"ლიბერალის" კორესპონდენტის ცნობით, ნეონაცისტების ჯგუფმა პოლიციის კორდონი გაარღვია და რუსთაველის გამიზირისკენ მირბიან. ისინი არ დაემორჩილნენ თავიანთი ლიდერის მოწოდებას არ წასულიყვნენ რუსთაველის გამზირის მიმართულებით, სადაც აქცია "ჩვენი თავისუფლებისთვის" იმართება.
შეგახსენებთ, რომ დღეს ნეონაცისტები სამ საათზე "დინამოზე" შეიკრიბნენ საიდანაც გამოემართნენ რუსთაველის გამზირისკენ, თუმცა პოლიციამ მათ აქციის მონაწილებთან მიახლოების საშუალება არ მისცა და გზა გადაუკეტეს ჭანტურიას ქუჩაზე.
ამის შემდეგ "ეროვნული ერთობის" ლიდერის მოწოდებით კონტრაქციის მონაწილეები ლონდონის ბაღში გადავიდნენ, თუმცა "ლიბერალის" კორესპონდენტის ცნობით, ნაწილი მონაწილეების არ დაემორჩილა ლიდერის მოწოდებას და რუსთაველის გამზირისკენ მიდიან.