რამდენიმე წუთის წინ დასრულდა აქტივისტების შეხვედრა შინაგან საქმეთა სამინისტროში.
როგორც შეხვედრიდან გამოსულმა შინაგან საქმეთა მინისტრმა განაცხადა, ეს იყო მნიშვნელოვანი შეხვედრა, "ერთმნიშვნელოვნად შევთანხმდით, რომ რეალიზატორები საერთო პრობლემაა და როდესაც შსს-ს აქვს დადასტურებული ეჭვი ნარკოტიკების რეალიზაციის ფაქტზე, ვერავინ ვერ შეზღუდავს სამინისტროს. ამის შემდეგ ბევრ რამეზე შეგვიძლია შევთანხმდეთ".
"ჩვენ მზად ვართ განვიხილოთ ყველა კითხვის ნიშანი, პარასკევის ღონისძიებებთან დაკავშირებით - თავა მინისტრმა - და შევხედოთ იყო თუ არა ძალის გადამეტების შემთხვევები. თუმცა არცერთი ამგვარი შემთხვევა ომბუდსმენთან არ არის დაფიქსირებული".
მინისტრის ინფორმაციით, შეიქმნება ორი ჯგუფი - ერთი ნარკოპოლიტიკის რეფორმის კუთხით იმუშავებს, მეორე კი იმსჯელებს პარასკევის მოვლენებზე - "თუმცა ეს იქნება უფრო ომბუდმსენის ოფისზე დელეგირებული პროცესი".
რაც შეეხება მინისტრის პასუხს კითხვაზე, თუ რატომ გახდა სპეცრაზმის შესვლა კლუბებში - გახარიას თქმით, მას მარტივი პასუხი აქვს: "ჯერ ერთი - ყველა თანამშრომელი იყო აღჭურვილი სამხრე კამერით, არცერთი დადასტურებული ფაქტი უფლებამოსილების გადამეტებისა არ არსებობს. კითხვები არსებობს კლუბის გარეთ მომხდარზე. ამაში კოლეგები დაგვეთანხმნენ. ვიპოვით ყველას, ვინც იმ დროისთვის კლუბში იყო. მათი რაოდენობა ვინც კლუბში იყო, იქნებოდა 70-მდე. და კიდევ, შსს-ს სხვადასხვა კლუბში აქვს სპეციალური საშუალებებით დადასტურებული 20-მდე გადაღებული შემთხვევა ნარკოტიკის გასაღებისა და ბოლო ორ კვირაში ნარკოტიკული ინტოქსიკაციის გამო სხვადასხვა კლუბებიდან 112-ში 48 გამოძახება დაფიქსირდა" - თქვა მინისტრმა.
