ფრაქცია „ქართული ოცნების“ თავმჯდომარის, მამუკა მდინარაძის განცხადებით, შინაგან საქმეთა მინისტრი გიორგი გახარია პარლამენტში 18 მაისს მივა.
მდინარაძის თქმით, გიორგი გახარია დეპუტატების წინაშე პლენარულ სხდომაზე წარდგება.
„დღეს შინაგან საქმეთა მინისტრთან კონსულტაციებით გადაწყდა, რომ შს მინისტრს საქართველოს პარლამენტი პარასკევს მოუსმენს. ის პარლამენტის წინაშე პლენარულ სხდომაზე წარდგება და არამხოლოდ რომელიმე ფრაქციის ან კომიტეტის ფორმატში. დაისმება ყველა კითხვა, რომელიც დეპუტატებს აქვთ, ვინაიდან კონსულტაციების დროს ბატონმა მინისტრმა თქვა, რომ ყველა კითხვაზე ამომწურავი პასუხი აქვს, ეს შეკითხვები და პასუხები საზოგადოებისთვის საინტერესო იქნება“, - განაცხადა მამუკა მდინარაძემ.