ოჯახის სიწმინდის დღის აღსანიშნავად ფაშისტური მოძრაობის „საქართველოს ეროვნული ერთობის" წევრები რუსთაველის მეტროსთან შეიკრიბნენ და ქაშვეთის ეკლესიამდე მსვლელობას გეგმავენ. როგორც „ლიბერალის“ კორესპონდენტი ადგილიდან იუწყება, შინაგან საქმეთა სამინისტროს წარმომადგენლებმა მოძრაობის ორი წევრი, როგორც აქციის მონაწილეები ამბობენ, გამოსაკითხად წაიყვანა. მათი თქმით, ერთ-ერთი მათგანი ფაშისტური მოძრაობის ასმეთაური, თორნიკე ვაშაკიძე, მეორე კი თორნიკე ღუტიძეა.
შსს-ში „ლიბერალს“ დაუდასტურეს, რომ აქციის მონაწილე ორი პირი გამოსაკითხად გადაიყვანეს.
დღეს 17 მაისია, ჰომოფობიასა და ტრანსფობიასთან ბრძოლის საერთაშორისო დღე.
