რამდენიმე წუთის წინ ლგბტ აქტივისტების ნაწილი კანცელარიასთან მივიდა, რათა ჰომოფობიის, ტრანსფობიის და ბიფობიის საწინააღმდეგო დღე აღნიშნონ.
ერთ-ერთი აქტივისტის, ნინო ბოლქვაძის თქმით, მას შემდეგ რაც ხელისუფლებამ, ხელი შეუწყო ფაშისტურ დაჯგუფებებს, რომლებიც იყვნენ ხელისუფლებივე დაორგანიზებულები, და მათი ხელშეწყობით ახორციელებენ სტიგმატიზებული ჯგუფებზე თავდასხმებს, ან ამგვარ მუქარებს ახორციელებენ, გაუქმდა თავდაპირველად დაანონსებული დღევანდელი აქცია. "დაახლოებით 1500 ადამიანი აპირებდა დღეს ამ აქციაში მონაწილეობას" . აღნისნა ბოლქვაძემ.
"ჩვენ, ვინც ამ აქციაზე დღეს მოვალთ, ვიცით, რომ არ არსებობს უსაფრთხოების გარანტიები, ეს არის ილუზია ამ სახელმწიფოში, რომელსაც ჯერჯერობით სახელმწიფოს ვერ დავარქმევთ, მანამ სანამ თითოეული ადამიანი უფლებები არ იქნება აქ დაცული.
ხელისუფლების მიმართა ნდობა არ არსებობს, ის ფაშისტური დაჯგუფებების მიმართ ლოიალურია. ზოგ მათგას თავად აფინანსებს, ზოგის დაფინანსების წყაროს კი არ აკონტროლებს
დღეს აქ იქნებიან ის ადამიანები, ვისაც სჯერა, რომ თუნდაც საკუთარი სიცოცხლის ფასად ჯერ კიდევ არის დასაცავი დემოკრატიული პროცესები, გამოხატვის თავისუფება". - ამბობს ბოლქვაძე.