შსს-ს ცნობით, აქციაზე გამომსვლელზე თავდამსხმელი არასრულწლოვანი აღმოჩნდა. თავდაპირველად „ლიბერალს“ შსს-ს პრესსამსახურში განუცხადეს, რომ თავდამსხმელი 22 წლის იყო. 

რამდენიმე წუთის წინ შსს-მ განცხადება გაავრცელა, რომლის მიხედვითაც, თავდამსხმელი 2003 წელს არის დაბადებული.

„17 მაისს თბილისში, ინგოროყვას ქუჩაზე, საქართველოს მთავრობის კანცელარიის შენობასთან მიმდინარე აქციის დროს, 2003 წელს დაბადებულმა ს. კ.-მ ფიზიკური შეურაცხყოფა მიაყენა აქციაზე სიტყვით გამომსვლელ პირს - 1996 წელს დაბადებულ ნ. გ.-ს, რომელსაც სასწრაფო სამედიცინო დახმარების ბრიგადამ ადგილზე აღმოუჩინა დახმარება.
ს.კ.-მ შემთხვევის ადგილიდან მიმალვა სცადა, რა დროსაც იგი სამართალდამცველებმა დააკავეს.
გამოძიება დაიწყო საქართველოს სისხლის სამართლის კოდექსის 126-მუხლის 1-ნაწილით, რაც ძალადობას გულისხმობს“, - აცხადებს შსს 

„სიყვარული არის სიყვარული, ყოველთვის და ყველგან!“, - ამ სიტყვების წარმოთქმის შემდეგ ანტიჰომოფობიური აქციის მონაწილეს უცნობი პირი თავს დაესხა.