ინფორმაციის თავისუფლების განვითარების ინსტიტუტი (IDFI) ოჯახში ძალადობის შესახებ 2013-2018 წლის სტატისტიკას აქვეყნებს. IDFI-ის მიხედვით, ბოლო ხუთ წელში საქართველოში ოჯახში ძალადობა გამოსცადა 6 464-მა ადამიანმა, 172-მა ჯანმრთელობის დაზიანება მიიღო, 89 კი მოკლეს. 2017 წელს ოჯახში ძალადობის მსხვერპლი გახდა 3599 ქალი და 497 კაცი.
IDFI-ის მიხედვით, ბოლო ხუთ წელში ყველაზე მეტჯერ პოლიციამ შემაკავებელი ორდერი 2017 წელს გამოსცა. სამართალდამცველებმა შარშან ორდერი 4370 ადამიანს გამოუწერეს. ხოლო ოჯახში ძალადობა 2013-2018 წლებში ყველაზე ხშირად თბილისში დაფიქსირდა - 1779-ჯერ.