თბილისში, თემქის დასახლებაში მე-12-კლასელს ქვეითთა გადასასვლელზე მანქანა დაეჯახა. თვითმხილველი თორნიკე დარჯანია წერს, რომ მან ბავშვს ზებრაზე გადასვლისას დაუთმო გზა, რომელსაც მოპირდაპირე მხრიდან დიდი სიჩქარით მომავალი ავტომობილი დაეჯახა.
დაშავებული მოზარდი გადარჩა და მოტეხილობებით საავადმყოფოში გადაიყვანეს. მძღოლი არ მიმალულა. შსს-მ გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.