ხვალ საპარლამენტო უმრავლესობის სხდომა გაიმართება, რომელზეც ერთ-ერთი განსახილველი საკითხი ნარკოპოლიტიკა იქნება, - ამის შესახებ პარლამენტის ჯანდაცვის კომიტეტის თავმჯდომარემ, აკაკი ზოიძემ განაცხადა. მისივე თქმით, საკითხთან დაკავშირებით დღეს გაიმართა შეხვედრა, რომელზეც მწვავე დისკუსია იყო და და მას „ყველა ის კომპეტენტური ადამიანი ესწრებოდა, ვისაც ეს საკითხი ეხება".
„ეს არის საკვანძო თემა, რომელზეც პარტია, აღმასრულებელი ხელისუფლება, საპარლამენტო ნაწილი უნდა შეთანხმდეს. მასში უნდა იყოს ჩართული ყველა ადამიანი და მათ შორის - ბიძინა ივანიშვილი", - განაცხადა ზოიძემ.
მისი თქმით, ნარკომოხმარების ჰუმანიზაცია მოხდება, თუმცა რა ფორმით, ეს შესათანხმებელია.
