16-17 მაისს ისრაელის ქალაქ ჰოლონში გაიმართა გრან პრი მხატვრულ ტანვარჯიშში. ტურნირზე ოქროს მედალი აიღო საქართველოს ნაკრების წევრმა სალომე ფაჟავამ. ქართველმა ტანმოვარჯიშემ გურზებით ვარჯიშის ფინალში უკრაინელი და რუსი მეტოქეები დაამარცხა. მრავალჭიდში სალომემ მე-6 ადგილი დაიკავა. ის ასევე მოხვდა ცალკეული საგნებით ვარჯიშის ფინალებში, სადაც რგოლით ვარჯიშში მეხუთე ადგილზე გავიდა.
გურზებით ვარჯიშში სალომე ფაჟავამ სულ 18.600 ქულა დააგროვა, მიიღო ოქროს მედალი და უკან მოიტოვა უკრაინელი ვლადა ნიკოლჩენკო, რომელმაც 18.450 ქულა აიღო და რუსი ეკატერინა სელეზნიოვა, რომელმაც ასპარეზობა 18.350 ქულით დაასრულა.