Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ჩუგოშვილი: ნარკოპოლიტიკის შეხვედრაში ივანიშვილი პოზიციების დამაახლოებლის როლს ასრულებს

22 მაისი, 2018 13:01

ნარკოპოლიტიკის საკითხზე უმრავლესობის შეხვედრის შემდეგ თამარ ჩუგოშვილმა თქვა, რომ საპარლამენტო უმრავლესობა საგაზაფხულო სესიების დასრულებამდე ძირითად საკითხებზე შეჯერდება. „ქართულ ოცნებაში“ განსხვავებული მოსაზრებების დაახლოებას კი, მისი თქმით, ექსპრემიერი ბიძინა ივანიშვილი ცდილობს.

„ნარკოპოლიტიკის რეფორმის კუთხით ყველა ვთანხმდებით მნიშვნელოვან ცვლილებებზე, რომელიც, სავარაუდოდ, საგაზაფუხლო სესიის დასრულებამდე მნიშვნელოვან ფაზებს, განხილვებს გაივლის პარლამენტში.

ბიძინა ივანიშვილი ამ შეხვედრაში პოზიციების დამაახლოებლის როლს ასრულებს. შესაბამისად, გვეხმარება საბოლოო გადაწყვეტილებამდე მისვლაში“, - უთხრა ჩუგოშვილმა ჟურნალისტებს.

საპარლამენტო უმრავლესობის წევრის თქმით, „ოცნების“ წევრები თანხმდებიან იმაზე, რომ ნარკორეალიზაციის მხრივ სახელმწიფო იყოს მკაცრი, მომხმარებლების მიმართ კი - ჰუმანური. ჩუგოშვილს არ დაუკონკრეტებია ჰუმანური მიდგომა შეეხება თუ არა ყველა სახის ნარკოტიკის მომხმარებელს.

„რამდენიმე მნიშვნელოვანი კომპონენტი აქვს ამ ყველაფერს. ბუნებრივია, რომ ნარკორეალიზაციასთან სახელმწიფო იქნება უკომპრომისო. ასევე ვფიქრობთ, რომ ნარკომომხმარებლებთან დაკავშირებით პოზიცია იქნება უფრო ზიანის შემცირებაზე ორიენტირებული. იმაზე, რომ ნაკლები დამოკიდებული გვყავდეს და მეტი ადამიანის დახსნა შევძლოთ ნარკოდამოკიდებულებისგან.

გარკვეული ცვლილებები დოზებში შეიძლება მოხდეს. შესაძლებელია, ძირითად ნარკოტიკულ საშუალებებთან მიმართებით გვქონდეს ჰუმანური მიდგომა. შესაძლებელია, გარკვეულ შემთხვევებში რეგულირებაზეც ვიფიქროთ“, - განაცხადა ჩუგოშვილმა.

თამარ ჩუგოშვილი ვერ აკონკრეტებს, მიიღებს თუ არა საგაზაფხულო სესიების დასრულებამდე პარლამენტი ახალ კანონპროექტს. როგორც უმრავლესობის წევრმა ჟურნალისტებთან განმარტა, დეპუტატები ეცდებიან ამ სესიებზე მნიშვნელოვან საკითხებზე შეთანხმდნენ, მაგრამ კანონპროექტი დაჩქარებული წესით არ განიხილება და ის შესაძლოა, შემოდგომამდე არ დასრულდეს.

კომენტარები

ამავე რუბრიკაში

21 ივნისი
21 ივნისი

შსს: ტექნიკური დათვალიერების გარეშე ავტო ...

შინაგან საქმეთა სამინისტროს ინფორმაციით, 2018 წლის იანვარ-მაისში დაფიქსირდა 2 555 სამართალდარღვევა, რომლებიც გულისხმობდა ...
21 ივნისი
21 ივნისი

Gwp-იმ თანამედროვე ტექნოლოგიებით აღჭურვი ...

ჯორჯიან უოთერ ენდ ფაურმა მცხეთის მუნიციპალიტეტის სოფელ საგურამოში ახალი 25 მეგავატი სიმძლავრის ქვესადგური საგურამოს მშენ ...
21 ივნისი
21 ივნისი

„ჩემი პირადი აზრით, უკრაინას დამოუკიდებე ...

„ჩემი პირადი აზრით კი, უკრაინას, ორმოცმილიონიან ქვეყანას უნდა ჰქონდეს დამოუკიდებელი ეკლესია და დამპყრობე ...
^