ავლაბარში მოქალაქემ ავტომობილით ძაღლს გადაუარა. ძაღლს შარდის ბუშტი დაუზიანდა და მისი გადარჩენა ვერ მოხერხდა. ცხოველთა დამცველები ავლაბარში ლაგოდეხის ქუჩაზე მივიდნენ, სადაც აქციას მართავენ და ამბობენ, რომ ამ პირის წინააღმდეგ პროკურატურაში სარჩელს შეიტანენ.

შემთხვევის ამსახველი კადრები Facebook-ზე თამაზ ელიზბარაშვილის ძაღლების თავშესაფარმა გაავრცელა.

თავშესაფრის თანამშრომლები ამბობენ, რომ ძაღლი გასტერილებული იყო და მიკედლებული ჰყავდა იქ მცხოვრობ ერთ-ერთ მოსახლეს დიანა სარალიძეს, სწორედ მის სახლზე დამაგრებულმა კამერამ გადაიღო ძაღლზე ავტომობილით გადავლის კადრები.

თავშესაფრის თანამშრომლების თქმით, პირი, რომელმაც ძაღლს მანქანით გადაუარა, მის გაგდებას ერთი კვირის განმავალობაში მოითხოვდა და თავის მეზობელსაც ემუქრებოდა.

როგორც „ლიბერალს“ შსს-ში უთხრეს, მომხდართან დაკავშირებით ამ ეტაპზე გამოძიება დაწყებული არ არის.