დღეს რუსთაველის მეტროსთან, მეტროს მემანქანეების სოლიდარობის აქცია გაიმართა, სადაც ერთ-ერთმა მემანქანემ, ემზარ ბარბაქაძემ სიტყვით გამოსვლისას თბილისის მერს, კახა კალაძეს მიმართა. მემანქანე მერს სახლში ეპატიჟება, რათა დაწვრილებით მოუყვეს მეტროპოლიტენში არსებული მდგომარეობის შესახებ.
„მზად ვარ, ქალაქის მერი ჩემთან, ოჯახში დავპატიჟო. ხვალ, საღამოს 8 საათზე და დაწვრილებით ვესაუბრო, ოღონდ მხოლოდ პირისპირ. მინდა, ეს მიმართვა გავუგზავნო ქალაქის მერს, რა ხდება რეალურად მეტროპოლიტენში უბრალოდ მინდა, დავწრილებით ავუხსნა და აღვწერო და გადწყვეტილებას თვითონ მიიღებს, როგორ მოიქცევა. ეს არის უბრალოდ ჩემი გზავნილი ქალაქის მერთან, გთხოვთ, მობრძანდით ჩემთან ოჯახში საღამოს 8 საათზე, პაატა სააკაძის N15, სვანეთის უბანში“, - განაცხადა ემზარ ბარბაქაძემ.
________________________________________________________________________
საქალაქო სასამართლომ "თბილისის სატრანსპორტო კომპანიის" განცხადების საფუძველზე, მეტროს პროფკავშირს გაფიცვა კიდევ ერთხელ, განუსაზღვრელი ვადით შეუზღუდა.
მეტროს მემანქანეების პროფკავშირის, „ერთობა 2013-ის“ წარმომადგენლებმა 3 მაისს გაფიცვა დააანონსეს, რომელიც თბილისის საქალაქო სასამართლომ 30 დღით გადაავადა, ამიტომ, ისინი 3 ივნისს უნდა გაფიცულიყვნენ.
მემანქანე არჩილ ლაბაძემ „ლიბერალს" განუცხადა, რომ სასამართლოს გადაწყვეტილებას სააპელაციოში გაასაჩივრებენ. განჩინებას არ ეთანხმებიან და 3 ივნისს მემანქანეები მაინც გაიფიცებიან.
ამავე თემაზე: EMC: სასამართლომ კიდევ ერთხელ, განუსაზღვრელი ვადით შეუზღუდა გაფიცვის უფლება „ერთობა 2013-ს“