„გირჩის" პრეზიდენტობის კანდიდატის, ზურა ჯაფარიძის წინასაარჩევნო ვებგვერდი - japara.ge - დღეს ამოქმედდა. პარტიის პრესსამსახურის ცნობით, ვებგვერდის დახმარებით ამომრჩეველს საშუალება ეძლევა, გაეცნოს ჯაფარიძის წინასაარჩევნო დაპირებებს და, ამასთან, სურვილის შემთხვევაში, გაიაროს რეგისტრაცია, რაც მხარდამჭერების რაოდენობის დათვლის საშუალებას მოგვცემს.
„ჩემი „დაპირებები"ვებგვერდზე სულ 7 თემის ქვეშაა გაერთიანებული. ამასთან, ამომრჩეველს შეუძლია, შეავსოს არსებული სარეგისტრაციო ველები და დამიჭიროს მხარი. შეავსებინოს ყველას, ვისაც დაარწმუნებს, რომ „გირჩის“ პრეზიდენტობა დღეს და ახლა მნიშვნელოვანია. „გირჩი" არ ვარ მე. „გირჩია" ყველა, ვისაც სჯერა თავისუფლების, როგორც ჩვენ გვესმის თავისუფლება", - პარტია ზურაბ ჯაფარიძის კომენტარს ავრცელებს.