მას შემედეგ რაც აშშ-ის პრეზიდენტმა, დონალდ ტრამპმა ჩრდილო კორეის ლიდერთან, კიმ ჩენ ინთან შეხვედრა გააუქმა, ჩრდილოეთ კორეამ განცხადება გაავრცელა, სადაც ნათქვამია, რომ ისინი კვლავ მზად არიან აშშ-თან ნებისმიერ დროს და ნესბისმიერი ფორმით მოლაპარაკების მაგიდასთან დასხდნენ.
BBC -ის ცნობით, ჩრდილო კორეის ვიცე-საგარეო მინისტრმა განაცხადა, რომ ტრამპის ეს გადაწყვეტილება არის სამწუხარო.
დონალდ ტრამპმა კიმ ჩენ ინთან შეხვედრა, ჩრდილო კორეის მხრიდან ბოლო დროს აშშ-ის მიმართ გაკეთებული მტრული და აგრესიული განცხადებების გამო გააუქმა.
ორი ქვეყნის ლიდერის შეხვედრა სინგაპურში 12 ივნისს უნდა გამართულიყო. შეხვედრის შესახებ დეტალები ცნობილი არ ყოფილა, თუმცა გავრცელებული ინფორმაციით, მოლაპარაკებები შეეხებოდა კორეის ნახევარკუნძულის ბირთვულ განიარაღებას.
