„საქართველოს პატრიოტთა ალიანსი" სრულად ეთანხმება 2018 წლის 24 მაისს საპატრიარქოს მიერ გავრცელებულ განცხადებას. ჩვენ ვიზიარებთ ამ განცხადების სულისკვეთებას", - წერს პარლამენტის ვიცე-სპიკერი „პატრიოტთა ალიანსიდან", ირმა ინაშვილი.
ინაშვილის ინფორმაციით, პარტიის თავმჯდომარე დავით თარხან-მოურავი ამჟამად ათონის მთაზე იმყოფება და აღნიშნული პოზიცია მასთან შეთანხმებულია. დავით თარხან-მოურავი ვატოპედის მონასტრის წინამძღოლს, მამა ეფრემს შეხვდა.
„ჩვენ ვიმოქმედებთ ჩვენი რწმენის, ჩვენი ეკლესიისა და ჩვენი ერის ინტერესების დასაცავად. „საქართველოს პატრიოტთა ალიანსის" არც ერთი წევრი ინტერვიუს არ მისცემს „რუსთავი-2-ს", - წერს ირმა ინაშვილი.
საპატრიარქოსმ გუშინ გამოქვეყნებულ განცხადებაში შემდეგი რამ მიუთითა: „პირველ რიგში, მოვუწოდებთ ჩვენს სამღვდელოებას, შეწყვიტონ ყოველგვარი ურთიერთობა „რუსთავი 2-თან", არ მისცენ ინტერვიუ და არ მიიღონ მათ არცერთ გადაცემაში მონაწილეობა. სასურველია, იგივე გაითვალისწინონ მათ, ვისთვისაც ღირებულია ჩვენი ეკლესია და ჩვენი ფასეულობები".