სოციალურ ქსელში ვრცელდება ინფორმაცია ე.წ. ღვინის მუზეუმის პროექტის შესახებ. ფოტოების მიხედვით, ის მცხეთის ტერიტორიაზეა განთავსებული. პროექტმა Facebook-ზე საზოგადეობის უკმაყოფილება გამოიწვია. აღსანიშნავია, რომ მცხეთა მსოფლიო მემკვიდრეობის ნუსხაშია.
„ლიბერალი“ დაუკავშირდა კულტურული მემკვიდრეობის დაცვის ეროვნულ სააგენტოს. მათი თქმით, სააგენტოში ამ პროექტის შესახებ ინფორმაცია არ ჰქონდათ.
„როგორც ჩანს, ეს პროექტი ძალიან ახალია, შესაბამისად, ჩვენთან არც შემოსულა, მაგრამ, ვიდრე მცხეთაში მორატორიუმი არის გამოცხადებული და მიწათსარგებლობის გეგმას ეკონომიკის სამინისტრო ჯერ კიდევ ამუშავებს, იქ ყველა მშენებლობა შეჩერებულია. თუმცა ამის შემდეგ პროექტი უნდა იყოს საბოლოოდ შეთანხმებული და შეჯერებული უკვე UNESCO-თან. მანამდე ამ პროექტის განხორციელებაზე ლაპარაკიც ზედმეტია“, - განაცხადეს სააგენტოში.