ტოჩინოშინმა (ლევან გორგაძე) მეხუთე მაეგაშირა იკიოი დაამარცხა და ტურნირში გამარჯვების შანსსს ინარჩუნებდა. ტოჩინოშინის წარმატება მონღოლ იოკოძუნა ჰაკუჰოს გამარჯვებაზე იყო დამოკიდებული, თუმცა იგი თანამემამულესთან დამარცხდა. გაზაფხულის ნაცუ ბაშოზე ტოჩინოშინი მეოთხედ დასჯერდა ვიცე-ჩემპიონობას. იმპერატორის თასს მონღოლი კაკურიუ დაეუფლა.
დღევანდელ ორთაბრძოლამდეც ქართველს იკიოისთან დადებითი ბალანსი 7:4-ზე ჰქონდა. 31 წლის იაპონელმა ამ ბაშოზე აქამდე 8 შეხვედრა მოიგო და 5-ში დამარცხდა.
მიმდინარე ნაცუ ბაშოზე ტოჩინოშინმა 13 ორთაბრძოლაში გაიმარჯვა. ბოლო შეხვედრები ტოჩინოშინმა ნატკენი ხელით ჩაატარა. მან ტრამვა ნაია შოდაისთან ორთაბრძოლაში მიიღო.