საქართველოს პრეზიდენტმა გიორგი მარგველაშვილმა პირველ ლედისთან მაკა ჩიჩუასთან ერთად პრეზიდენტის სასახლეში ქართველ სუმოისტს ლევან გორგაძეს (ტოჩინოშინს) უმასპინძლა. ინფორმაციას პრეზიდენტის პრესსამსახური ავრცელებეს.
პრეზიდენტმა ტოჩინოშინს მადლობა გადაუხადა მსოფლიო ასპარეზზე საქართველოს წარმოჩენისთვის, პოპულარიზაციისათვის და წარმატებები უსურვა.
ხოლო ტოჩინოშინმა პრეზიდენტს მადლობა გადაუხადა ღირსების ორდენის მინიჭებისთვის, რომლითაც მარგველაშვილმა ლევან გორგაძე იმპერატორის თასის მოპოვების შემდეგ დააჯილდოვა.
ტოჩინოშინი საქართველოში გუშინ ჩამოფრინდა. აეროპორტში მას ოჯახის წევრებთან ერთად გულშემატკივრები და ვეტერანი ქართველი სუმოისტი ლევან ცაგურია (კოკაი) დახვდნენ.
