სახალხო დამცველი ნინო ლომჯარია წერს, რომ გუშინდელი მიწისძვრის შემდგომ ომბუდსმენის ოფისში ბზარები კიდევ უფრო გაღრმავდა. ლომჯარია პოსტს Facebook-ზე აქვეყნებს.
მისი თქმით, გამომდინარე იქიდან, რომ თანამშრომელთა ნაწილს მიწის ქვედა სართულებზე უწევს მუშაობა, რაც ნგრევის შემთხვევაში ევაკუაციის სირთულეს ქმნის, მიიღეს გადაწყვეტილება, რომ იმ სართულებზე განთავსებული სამსახურები, რომლებიც მომატებული საფრთხის ქვეშ არიან, გადაიყვანონ სხვა შენობებში.
„მინდა მივმართო ყველა საჯარო და კერძო ორგანიზაციას, თუკი გაქვთ კეთილი ნება და სამუშაო სივრცე, რომ სახალხო დამცველის თანამშრომლები დაუყოვნებლივ და დროებით მოთავსდნენ და ჰქონდეთ ნორმალური სამუშაო გარემო, გამოგვეხმაურეთ", - წერს ლომჯარია.