მთვარისა ნავერიანი პროკურატურას სთხოვს, რომ „რუსთავი 2-ის“ გენერალურ დირექტორს, ნიკა გვარამიას ბრალი წაუყენონ, მას კი დაზარალებულის სტატუსი მიენიჭოს. მან ადვოკატ ნიკოლოზ მჟავანაძესთან ერთად დღეს პროკურატურაში საჩივარი შეიტანა.
მთვარისა ნავერიანი აცხადებს, რომ აქციაზე, რომელიც ხორავას ქუჩაზე მოკლული ახალგაზრდების საქმეზე სასამართლო განაჩენის შემდეგ დაიწყო, ნიკა გვარამიამ მას ფიზიკური და სიტყვიერი შეურაცხყოფა მიაყენა.
პროკურატურამ საქმეზე გამოძიება სისხლის სამართლის 126-ე, ძალადობის მუხლით დაიწყო.