„ერთიანი ნაციონალური მოძრაობის“ წევრმა, ნიკა მელიამ ბიძინა ივანიშვილს აგინა. „სუსის მიერ არის ეს ოპერაცია ჩატარებული. უნამუსოები არიან და დიახაც, ბიძინა ივანიშვილო შენი დედა ვატირე! შენი დედა ვატირე მართლა! მოვიდეს ახლა და დამსაჯოს“, - თქვა ნიკა მელიამ ჟურნალისტებთან. კადრებს „TV პირველი“ ავრცელებს.
პარლამენტის დეპუტატმა ბიძინა ივანიშვილს მას შემდეგ შეაგინა, რაც „ნაციონალური მოძრაობის“ წევრის აზერ სულეიმანოვის მიმართ მოქალაქის შერუაცხყოფის გამო სამართლებრივი დევნა დაიწყო. მარნეულის მცხოვრებმა ბიძინა ივანიშვილს და მარნეულის მერს აგინა, რის შემდეგაც გავრცელდა ვიდეო, სადაც მას დამამცირებლად ეპყრობიან.
ამის გამო დააკავეს მარნეულის მერი, მასთან ერთად კი სამართლებრივი დევნა დაიწყო პარლამენტის დეპუტატისა და ენმ-ის წევრის აზერ სულეიმანოვის მიმართაც. რომელმაც პროკურატურის ბრალდებით ფიზიკური შეურაცხყოფა მიაყენა მოქალაქეს, რომელმაც ივანიშვილს აგინა.