„ეს არის ბიძინა ივანიშვილის ბოლო მთავრობა, რომელსაც დააკომპლექტებს. ბატონი ღარიბაშვილი უფრო ღირსეულად წავიდა, ვიდრე ბატონი კვირიკაშვილი", - ასე ეხმაურება „ნაციონალური მოძრაობის" ლიდერი ნიკა მელია პრემიერ-მინისტრ გიორგი კვირიკაშვილის გადადგომას.
როგორც ნიკა მელია ამბობს, „მაქსიმუმ შემოდგომაზე ბატონ ივანიშვილს მოუწევს ქუდის დახურვა და სახლში წასვლა, თუ ამას არ გააკეთებს, ხალხი დაახურავს მას ქუდს".
პრემიერმა გიორგი კვირიკაშვილმა თანამდებობის დატოვების შესახებ განაცხადა მთავრობის კანცელარიაში დღეს გააკეთა.
„გუშინ გაიმართა შეხვედრა, რომლის შემდეგაც გაკეთდა საჯარო განცხადებები. გამოიკვეთა ჩემსა და მმართველ გუნდს შორის აზრთა სხვადასხვაობა. საუბარი იყო მთავრობის მიერ გატარებულ ეკონომიკის პოლიტიკასთან დაკავშირებით. ბოლო დღეების განმავლობაში იყო რიგი ფუნდამენტური საკითხები, რომელზეც განსხვავებული პოზიციები გვქონდა პარტიის თავმჯდომარესთან. პარტიის თავმჯდომარეს უნდა მიეცეს საშუალება, გუნდი დააკომპლექტოს", - განაცხადა გიორგი კვირიკაშვილმა.