ბათუმში 4 წლამდე ასაკის ბავშვი მოკლეს. შინაგან საქმეთა სამინისტრომ განზრახ მკვლელობის ბრალდებით ერთი პირი უკვე დააკავა.
როგორც „ლიბერალს“ უწყების პრესსამსახურში განუცხადეს, ბავშვი, სავარაუდოდ, ოჯახის ახლობელმა მოკლა.
მედიაში ვრცელდება ინფორმაცია, რომ ბავშვი ცემით მოკლეს. თუმცა შსს-ს პრესსამსახურის განმარტებით, გარდაცვალების გამომწვევ მიზეზებს ექპერტიზა დაადგენს.
საქმეზე გამოძიება სსკ-ის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.