რუსეთში მსოფლიო საფეხბურთო ჩემპიონატი - 2018 იწყება. ამ წუთებში გახსნის ცერემონია მიმდინარეობს. მუნდიალი რობი უილიამსის სიმღერით გაიხსნება, რომელსაც რუსი სოპრანო აიდა გარიფულინა შეუერთდება. გახსნაზე იმღერებს ცნობილი ტენორი პლასიდო დომინგოც. ჩემპიონატის პირველი მატჩი მასპინძელ რუსეთის ნაკრებსა და საუდის არაბეთს შორის დღეს, გახსნის შემდეგ გაიმართება.
მსოფლიო ჩემპიონატის ფინალურ ეტაპზე, ტრადიციულად, 32 ნაკრებია წარმოდგენილი. მუნდიალი ერთი თვე გაგრძელდება და 15 ივლისს ფინალური მატჩით დასრულდება. მუნდიალის ფავორიტი ნაკრებებიდან გათამაშებაში ესპანეთი, რომელსაც ახალი მწვრთნელი - ფერნანდო იერო ჰყავს, ხვალ ჩაერთვება. ესპანელები მეზობელ პორტუგალიას შეხვდებიან.
შაბათს თავიანთ პირველ თამაშებს ჩაატარებენ საფრანგეთი და არგენტინა. ფრანგები ავსტრალიას დაუპირისპირდებიან, არგენტინა კი ისლანდიას შეხვდება.
გერმანია და ბრაზილია პირველ მეტოქეებს კვირას შეხვდებიან. გერმანია პირველ მატჩს მექსიკასთან, ბრაზილია კი შვეიცარიასთან გამართავს.
ორშაბათს ჩაერთვებიან მსოფლიო ჩემპიონატში ინგლისი და ბელგია. ინგლისი ტუნისს შეხვდება, ბელგია კი - პანამას.
მსოფლიო ჩემპიონატის ჯგუფური ეტაპის ცხრილი: