პრემიერ-მინისტრის თანამდებობაზე მამუკა ბახტაძის დასახელების შემდეგ ჟურნალისტებმა პარლამენტის თავმჯდომარეს მამუკა ბახტაძის მიერ 2012 წელს ენმ-ისთვის გადარიცხული შეწირულობის შესახებ ჰკითხეს.
„არ მაქვს ამის შესახებ ინფორმაცია. ყველა კითხვას მამუკა ბახტაძე უპასუხებს. ჩვენ ვიცით მისი პრინციპები, ღირებულებები და გუნდურობა, რის გამოც დასახელდა ის კანდიდატად" - თქვა კობახიძემ.
2012 წლის საპარლამენტო არჩევნების დროს მამუკა ბახტაძის სახელი შემოწირულობების სიაში დაფიქსირდა. მან 20 000 ლარი „ერთიან ნაციონალურ მოძრაობას“ შესწირა.
ამ დროს მამუკა ბახტაძე საერთაშორისო ენერგეტიკულ კორპორაციაში გენერალური დირექტორის თანამდებობას იკავებდა.
