შინაგან საქმეთა მინისტრობის კანდიდატმა, გიორგი გახარიამ დღეს პარლამენტში სიტყვით გამოსვლისას განაცხადა, რომ 1 ივლისიდან 13 200 პოლიციელს ხელფასი 250 ლარით გაეზრდება.
გიორგი გახარიამ აღნიშნა, რომ პოლიციელების სოციალური უზრუნველყოფის კუთხით ეს არის ის მინიმუმი, რისი გაკეთების საშუალებაც ჰქონდათ.
დღეს პარლამენტში გაერთიანებული კომიტეტების სხდომაზე მინისტრობის კანდიდატებს უსმენდნენ.
როგორც პრემიერ-მინისტრობის კანდიდატმა მამუკა ბახტაძემ გუშინ განაცხადა, სტრუქტურული ცვლილებები, მას შემდეგ განხორციელდება, რაც პარლამენტი მთავრობის არსებულ შემადგენლობას და პრემიერს დაამტკიცებს. მისივე თქმით, სამინისტროების რაოდენობა 14-დან 11-მდე შემცირდება.
