საქართველოს პარლამენტის რიგგარეშე სხდომაზე, სადაც მთავრობისთვის ნდობის გამოცხადების საკითხზე მსჯელობდნენ, 99 ხმით 6-ის წინააღმდეგ მთავრობის განახლებული შემადგენლობა დაამტკიცეს. 

მამუკა ბახტაძემ პარლამენტს მინისტრთა კაბინეტის განახლებული შემადგენლობა და სამთავრობო პროგრამა წარუდგინა. როგორც ბახტაძე ამბობს, ამჯერად მთავრობის შემადგონლობა მხოლოდ ფორმალურად არის წარმოდგენილი და გუნდს, რომელიც პროგრამის შესრულებაზე პასუხისმგებლობას აიღებს, 2-3 კვირაში წარმოადგენს.

დროებით წარმოდგენილ შემადგენლობაში, რომელიც პარლამენტმა დაამტკიცა, პრემიერის გარდა სამი საკადრო ცვლილებაა.

საგარეო საქმეთა მინისტრი დროებით დავით ზალკალიანი გახდა, ფინანსთა მინისტრი - ნი­კო­ლოზ გა­გუა; ეკო­ნო­მი­კი­სა და მდგრა­დი გან­ვი­თა­რე­ბის მი­ნის­ტრი კი - გი­ორ­გი ჩერ­ქე­ზიშ­ვი­ლი.