Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

იტალია უარს ამბობს მიიღოს ორი გემი, რომლებმაც 226 მიგრანტი გადაარჩინა

22 ივნისი, 2018 14:58

იტალია უარს აცხადებს მიიღოს არასამთავრობო ორგანიზაციის ორი გემი, რომლებმაც ლიბიის სანაპიროზე 226 მიგრანტი გადაარჩინა.

იტალიის ინფრასტრუქტურის მინისტრის, დანილო ტონინელის თქმით, გემებმა მიგრანტების გადაყვანით კანონი დაარღვიეს და ამიტომ იტალიური პორტები მათ არ მიიღებს. სანაპიროზე გემებს დააკავებენ და ორგანიზაციას ჩამოართმევენ.

გერმანული არასამთავრობო ორგანიზაციის Lifeline-ის ორი გემი ჰოლანდიური დროშის ქვეშ ცურავს, მაგრამ, როგორც ორგანიზაციის წევრები ამბობენ, ისინი ჰოლანდიამდე ამდენ ადამიანს ვერ გადაიყვანენ. არასამთავრობო ორგანიზაციის ერთ-ერთმა დამფუძნებელმა, აქსელ სტეიერმა იტალიის მთავრობაც გააკრიტიკა.

„ამ სიტუაციაში შენ არ გაქვს ლოდინის ფუფუნება. როცა ადამიანები იხრჩობიან სწრაფად უნდა იმოქმედო. როგორ უნდა დაელოდო და დაიწყო ფიქრი, რომელიმე პორტი მიიღებს თუ არა ხალხს, რომელიც იმ წუთას წყალში იძირება?!“ - განაცხადა სტეიერმა.

იტალიის შს მინისტრმა კი განაცხადა, რომ მისი ქვეყანა ამ გემებს არ მიიღებს არც ერთ შემთხვევაში და მაშინ ამის გაკეთება მალტას მოუწევს. მაგრამ ამასთან ერთად მიგრანტთა უსაფრთხოებისთვის ხალხი იტალიის სანაპირო დაცვის ხომალდებზე გადაიყვანეს. ხოლო გემებს გამოძიებისთვის დროებით იტალიის პორტებში გადაიყვანენ.

იტალიის მთავრობის განცხადებით, საბოლოოდ, არასამთვრობო ორგანიზაციამ უნდა უზრუნველყოს მიგრანტთა იტალიის სანაპიროდან გაყვანა, გემებზე კი გამოძიება ჩატარდება და კანონის დარღვევისთვის შეიძლება, ისინი მეპატრონეებს ჩამოერთვათ.

კომენტარები

ამავე რუბრიკაში

15 ნოემბერი
15 ნოემბერი

მთავრობის დადგენილებით წამლის სააგენტო ი ...

საქართველოს მთავრობის 14 ნოემბრის დადგენილებით, ჯანდაცვის სამინისტროს ფარგლებში წამლის სააგენტო იქმნება. იგი სამედი ...
15 ნოემბერი
15 ნოემბერი

ერიკ-ემანუელ შმიტი ნოემბრის ბოლოს საქართ ...

ბაკურ სულაკაურის გამომცემლობის ინიციატივითა და საქართველოს ფრანგული ინსტიტუტის (Institut Français de G& ...
15 ნოემბერი
15 ნოემბერი

მეშახტე: პრემიერთან შეხვედრის საშუალება ...

„წინასწარ შერჩეული პირები დასვეს ამ შეხვედრაზე, ვერ ვიტყვი, რომ შეხვედრა დიალოგის ფორმით იყო გამართული, ეს იყო უფრ ...
^