თურქეთში დღეს საპრეზიდენტო და საპარლამენტო არჩევნები  ჩატარდა. საარჩევნო უბნები 17:00 საათზე დაიხურა. როგორ Reuters წერს, არჩევნების პირველადი შედეგები გვიან ღამით გახდება ცნობილი.  თუმცა გამოკითხვების შედეგების მიხედვით, რეჯეფ თაიფ ერდოღანმა პირველივე ტურში  უნდა გაიმარჯვოს. მისი მთავარი ოპონენტია მუჰარემ ინჯე, „სახალხო-რესპუბლიკური პარტიის“ წარმომადგენელი. მუჰარემ ინჯეს თურქეთის ოპოზიციური პარტიების მხარდაჭერა აქვს. 

„ამ არჩევნების დამსახურებით, თურქეთი აწყობს დემოკრატიულ რევოლუციას“, - განაცხადა ერდოღანმა.

პოლიტოლოგები კი წერენ, რომ თუ ერდოღანი გაიმარჯვებს, მისი უფლებამოსილებები უფრო გაძლიერდება და ეს ცუდად იმოქმედებს დემოკრატიულ პროცესებზე ქვეყანაში. 

საპრეზიდენტო და საპარალამენტო არჩევნები თურქეთში 2019 წლის ნოემბერში უნდა ჩატარებულიყო, თუმცა ერდოღანმა აპრილში განაცხადა, რომ ის 24 ივნისს გაიმართებოდა.  

რეჯეფ თაიფ ერდორანი 2003 წლიდან 2014 წლამდე იყო თურქეთის პრემიერ-მინისტრი, ხოლო 2014 წლიდან თურქეთის პრეზიდენტი.