თურქეთში გამართულ საპრეზიდენტო და საპარლამენტო არჩევნებში ამ დროისთვის დათვლილი ხმების მიხედვით რეჯეფ თაიფ ერდოღანი და მისი პარტია ლიდერობს.  ამ დროისთვის საპრეზიდენტო არჩევნებში ერდოღანს აქვს ხმების 57%,  ხოლო, მის ოპონენეტს, მუჰარემ ინჯეს - 29%.   დათვლილი ხმების მიხედვით, ასევე ლიდერობს ერდოღანის „სამართლიანობის და განვითარების პარტია“. ინფორმაციას Reuters ავრცელებს. 

თურქეთში არჩევნები 2019 წლის ნოემბერში იყო დაგეგმილი. ვადამდელი საპრეზიდენტო არჩევნების დანიშვნის შესახებ ინფორმაცია რეჯეფ თაიფ ერდოღანმა აპრილში გამოაცხადა.