Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

დავით ჭიჭინაძე: თეა წულუკიანი უნდა გადადგეს

25 ივნისი, 2018 13:14

„ქართული ოცნების“ წევრის დავით ჭიჭინაძის აზრით, თეა წულუკიანმა იუსტიციის მინისტრის თანამდებობა უნდა დატოვოს. დეპუტატის თქმით, წულუკიანს თანამდებობების დატოვების შემდეგ „ოცნების“ კრიტიკა უფრო თავისუფლად შეეძლება.

„უნდა დატოვოს, ჩემი, როგორც ერთი დეპუტატის პოზიცია ასეთია. ჩემი პოზიცია დაფიქსირებული მაქვს არაერთხელ. დღეს უკვე პრემიერის გადასაწყვეტია.

ვფიქრობ, თუკი „ქართულ ოცნებას“ შეცდომები აქვს, გარედან უფრო კარგად ხედავს ეგ ქალბატონი და როცა დაკავებული თანამდებობიდან თავისუფალი იქნება, კრიტიკის მეტი საშუალება ექნება“, - განაცხადა ჭიჭინაძემ ჟურნალისტებთან.

დავით ჭიჭინაძის მოსაზრებას არ ეთანხმება საპარლამენტო უმრავლესობის წევრი ანრი ოხანაშვილი. მისი თქმით, მმართველ გუნდში მსჯელობა მთავრობის კონცეფციაზე იყო და კონკრეტულ პერსონებზე კონსულტაციებს პრემიერ-მინისტრი გამართავს.

„არ ვეთანხმები დავით ჭიჭინაძის განცხადებას თეა წულუკიანის გადადგომასთან დაკავშირებით. ვინ უნდა გადადგეს და ვინ არა, „ქართული ოცნების“ ცენტრალურ ოფისში შეხვედრაზე ასე კონკრეტულად არ გვიმსჯელია. კონკრეტულ პერსონალიებზე საუბარი არ ყოფილა.

გუნდის შიგნით მსჯელობა მთავრობის კონცეფციაზე იყო, როგორი უნდა იყოს მოქნილი და ეფექტური მთავრობის საკითხი. რაც შეეხება კონკრეტულ პიროვნებებს, ჩვენ შევთანხმდით, რომ ამ კონსულტაციებს უშუალოდ პრემიერ-მინისტრი მამუკა ბახტაძე გამართავს“, - თქვა ოხანაშვილმა.

იუსტიციის მინისტრის გადადგომას ითხოვენ არასამთავრობო ორგანიზაციებიც. მათ ამ მოთხოვნით „იუსტიციის სახლთან“ აქციაც გამართეს. არასამთვრობო ორგანიზაციების განცხადებით, მართლმსასჯულების სისტემაში ხარვეზებზე პასუხისმგებლობა ირაკლი შოთაძესთან ერთად თეა წულუკიანმაც უნდა აიღოს.

კომენტარები

ამავე რუბრიკაში

15 ნოემბერი
15 ნოემბერი

მთავრობის დადგენილებით წამლის სააგენტო ი ...

საქართველოს მთავრობის 14 ნოემბრის დადგენილებით, ჯანდაცვის სამინისტროს ფარგლებში წამლის სააგენტო იქმნება. იგი სამედი ...
15 ნოემბერი
15 ნოემბერი

ერიკ-ემანუელ შმიტი ნოემბრის ბოლოს საქართ ...

ბაკურ სულაკაურის გამომცემლობის ინიციატივითა და საქართველოს ფრანგული ინსტიტუტის (Institut Français de G& ...
15 ნოემბერი
15 ნოემბერი

მეშახტე: პრემიერთან შეხვედრის საშუალება ...

„წინასწარ შერჩეული პირები დასვეს ამ შეხვედრაზე, ვერ ვიტყვი, რომ შეხვედრა დიალოგის ფორმით იყო გამართული, ეს იყო უფრ ...
^