პრემიერ-მინისტრმა მამუკა ბახტაძემ განაცხადა, რომ მთავრობის ახალი სტრუქტურის პრეზენტაციას ხვალ გამართავს.
„ხვალ ჩავატარებთ მთავრობის სხდომას, სადაც დეტალურად ვისაუბრებთ, როგორი ახალი სტრუქტურით წარვსდგებით პარლამენტის წინაშე. ხვალ დეტალურად ავხსნი, რომელი კომპონენტი რომელში გადავა და როგორ მოხდება ოპტიმიზაცია. შემიძლია დავადასტურო, რომ სამინისტროების რაოდენობა არ იქნება 11-ზე მეტი, როგორც განვაცხადე. ეს არის ოპტიმალური რაოდენობა იმისთვის, რომ ეფექტურად გავუმკვლავდეთ არსებულ გამოწვევებს", - განაცხადა მამუკა ბახტაძემ.
პრემიერს ისევ არ უსაუბრია იმის შესახებ, თუ ვინ იქნებიან მთავრობის ახალი წევრები.