აშშ-სთან ურთიერთობების დათბობის გამო, ჩრდილო კორეაში გადაწყვიტეს, რომ ერთ-ერთი ყველაზე მასშტაბური და სიმბოლური ღონისძიება - ანტიამერიკული აქცია - აღარ გამართონ. ინფორმაციას Associated Press ავრცელებს.
ყოველწლიური აქცია „ამერიკული იმპერიალიზმის წინააღმდეგ“ კორეის ომის დაწყების დღეს იმართებოდა. გასულ წელს დემონსტრაცია ფხენიანში კიმ ირ სენის სახელობის მოედანზე ჩატარდა და მასში 100 ათასმა ადამიანმა მიიღო მონაწილეობა.
სინგაპურში გამართული სამიტის შემდეგ, სადაც დონალდ ტრამპი კიმ ჩენ ინს შეხვდა, ჩრდილო კორეის ლიდერმა ნახევარკუნძულის ბირთვული განიარაღების პირობა დადო.
