ფრანგი მწერალი, მიშელ უელბეკი საქართველოშია. მან შაბათს ჟურნალისტებისთვის პრესკონფერენცია გამართა, სადაც დასმულ კითხვებს უპასუხა.
„რას ფიქრობთ კამპანიაზე #MeToo?“ - ამ შეკითხვის საპასუხოდ მწერალმა თქვა, რომ ბოლო 10 წლის მანძილზე ერთ-ერთი ყველაზე სულელური იდეაა იბრძოლო ქალების სიტყვის თავისუფლებისთვის.
„ყველაზე საინტერესო ის არის, რომ ქალები ისედაც ყველაფერს თვითონ წყვეტენ და გადაწყვეტილებებსაც თვითონ იღებენ - როდის დაიწყება ურთიერთობა; საერთოდ, როგორი იქნება ცხოვრება და როდის დასრულდება ურთიერთობა; გვყავდეს ბავშვი თუ არ გვყავდეს და ა.შ. და კაცებს არავინ არაფერს ეკითხება, იმასაც კი არ ეკითხებიან, რა აზრის არიან გარკვეულ საკითხებზე. თან იმდენად დიდი ხანია, რაც ასე ხდება, დაგვავიწყდა კიდეც, კაცები რას ვფიქრობთ. ზოგ ქალს გულუბრყვილოდ სჯერა, რომ კაცები ამის გამო შეიცვალნენ, ეს ასე არ არის, კაცები საერთოდ არ შეცვლილან“, - თქვა მწერალმა.
დააკლიკეთ ბმულს და შემოგვიერთდით „ლიბერალის“ ლიტერატურულ კლუბში ფეისბუქზე
