სახალხო დამცველის ადამიანის უფლებების აკადემიამ, დანიის ადამიანის უფლებების ინსტიტუტის ფინანსური დახმარებით კვლევა ჩაატარა.
კვლევაში შეისწავლეს მოსწავლეთა აქტიურობა სკოლაში მათი უფლებების დარღვევის შემთხვევებზე.
კითხვაზე: გამხდარხართ თუ არა ჩაგვრის ან დაცინვის მსხვერპლი ბოლო ერთი წლის განმავლობაში და რა რეაგირება მოახდინეთ - გამოკითხულთა 54.5% პასუხობს, რომ არ გამხდარა; 44.3%-ის პასუხია, რომ - გამხდარა.
ისინი, ვინც მიუთითებს, რომ გამხდარა ძალადობის მსხვერპლი და არაფერი მოიმოქმედა, ასევე საუბრობს მიზეზებზე.
„ყველაზე მაღალი ხვედრითი წილი აქვს იმ რესპონდენტებს, ვისაც გაუჭირდა პასუხის გაცემა (შემთხვევათა 42.1% - 262 შემთხვევა). თანაბარი ხვედრითი წილი აქვს ორ ფაქტორს (ორივე 63-63 შემთხვევა): ა) რესპონდენტებმა არ იცოდნენ, ვისთვის მიემართათ, ან რა გაეკეთებინათ; ბ) რესპონდენტებისთვის, ვინმეს ინფორმირება ჩაგვრის/დაცინვის შესახებ, ამბის მიტანასთან ასოცირდება - რაც მათთვის მიუღებელია“, - ნათქვამია კვლევაში.
მაღალია იმ მოსწავლეთა რაოდენობა, რომელიც ამბობს, რომ სხვისი ჩაგვრისას არაფერი გაუკეთებია