პირველ არხთან საუბარში, ხეჩინაშვილის სახელობის საუნივერსიტეტო კლინიკის დამწვრობის ცენტრში აცხადებენ, რომ მზისგან დამწვრობით 6 ადამიანს ჰოსპიტალიზება დასჭირდა.
ცენტრის ხელმძღვანელი, გუგა ქაშიბაძე ამბობს, რომ პაციენტების ჯანმრთელობის მდგომარეობა ამჟამად სტაბილურია. მათი ასაკი 9-დან 22 წლამდე მერყეობს. მისივე ინფორმაციით, დღემდე კლინიკას უკვე 71 პაციენტმა მიმართა. მათგან 55 შემთხვევა რუჯს და ძლიერ სიცხეს უკავშირდებოდა.
