დღეს, 9 ივლისს, რუსთაველის გამზირზე, N50-თან ტანსაცმლის მაღაზია Ermenegildo Zegna Boutique-თან, ამავე მაღაზიის დაცვის თანამრომელმა და ასევე Hugo Boss-ის დაცვის თანამშრომელმა ქუჩის მუსიკოს ლერი მეტივიშვილს მოუწოდეს, რომ „მაღაზიის წინ, ტროტუარზე არ დაეკრა და სხვაგან წასულიყო“, - ამის შესახებ „ლიბერალს“ თავად მეტივიშვილმა და ადგილზე შეკრებილმა მოქალაქეებმა უთხრეს. მაღაზიების დაცვის თანამშრომლებმა კომენტარზე უარი განაცხადეს. 

„2 თეთრს ამით ვშოულობ, ეს ხომ საჯარო სივრცეა, რატომ მიშლიან აქ დგომას?“, - განაცხადა მეტივიშვილმა.

აღნიშნული ფაქტის შემსწრე მოქალაქეები ქუჩის მუსიკოსს გამოექომაგნენ, შედეგად ლერი მეტივიშვილმა თავისუფლად შეძლო გაეგრძელებინა დაკვრა.