ჩრდილოეთ ავსტრალიაში რეინჯერებმა გიგანტური ნიანგი იპოვეს, რომელიც 600 კილოს იწონის და სიგრძეში 4,71 მეტრია.
CNN-ის ინფორმაციით, ნიანგი, რომელიც სავარაუდოდ 60 წლისაა, მდინარე კეტრინის სანაპიროზე იპოვეს. იგი ყველაზე დიდი ნიანგია, რაც კი ამ რეგიონში დაუჭერიათ - 2011 წელს დაჭერილი ნიანგი სიგრძეში 4,6 მეტრს აღწევდა.
მიუხედავად იმისა, რომ მლაშე წყლის ნიანგის საშუალო სიგრძე 5 მეტრია, ასეთი ზომის მტაცებელს იშვიათად თუ იჭერენ.
„გარემოსდამცველები ნიანგს 2010 წლიდან ეძებენ, მას შემდეგ რაც იგი პირველად შეამჩნიეს", ამბობს Wildlife Operations-ის დირექტორი. მისი თქმით, ნიანგი ადამიანებისგან განრიდების მიზნით დაიჭირეს. მას კეტრინის რეგიონში ნიანგების ფერმაში გადაიყვანენ.
