პრემიერ-მინისტრ მამუკა ბახტაძის თქმით, დღეს საქართველოსთვის ერთ-ერთი ყველაზე მძიმე გამოწვევა ეკოლოგიური მდგომარეობაა. ამის შესახებ მან მთავრობის სხდომის დაწყებამდე ისაუბრა და აღნიშნა, რომ მთავრობა მდგომარეობის გასაუმჯობესებლად რიგი ღონისძიებების განხორციელებას გეგმავს, მათ შორის საწვავის ხარისხის გაზრდას.
„ამასთან ერთად საქართველოში დაბალი სტანდატების მანქანების ინმპორტი აიკრძალება და გამკაცრდება მოთხოვნები ტექნიკურ დათვალიერებაზე" - თქვა პრემიერმა.
მისი თქმით, მასშტაბური ცვლილებები განხორციელდება სამშენებლო სამუშაოების წარმოებისა და საქალაქო ტრანსპორტის სტანდარტის გაუმჯობესების კუთხით.
„ეტაპობრივად სრულად მოხდება ე.წ. ყვითელი ავტობუსების ჩანაცვლება. ამასთან დაკავშირებით ჩვენ ვმუშაობთ ერთობლივ სტრატეგიაზე თბილისის მერიასთან ერთად, რომლის პრეზენტაციასაც ივლისის ბოლომდე გავაკეთებთ" - თქვა პრემიერმა.