Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

NATO-ს სამიტის ფარგლებში გიორგი მარგველაშვილი იენს სტოლტენბერგს შეხვდა

12 ივლისი, 2018 11:32

ბრიუსელში NATO-ს სამიტის ფარგლებში საქართველოს პრეზიდენტი გიორგი მარგველაშვილი ალიანსის გენერალურ მდივანს, იენს სტოლტენბერგს შეხვდა. 

პრეზიდენტის პრესსამსახურის ინფორმაციით, საქართველოს პრეზიდენტმა NATO-ში საქართველოს ინტეგრაციის პროცესსა და იმ პროგრესზე ისაუბრა, რასაც საქართველომ მიაღწია.

„პრეზიდენტმა აღნიშნა, რომ საქართველოს აქვს ყველა პრაქტიკული ინსტრუმენტი NATO-ს წევრობის მოსამზადებლად. საქართველო მზადაა იმისათვის, რომ NATO-სთან თანამშრომლობის შემდგომ ეტაპზე გადავიდეს, გახსნილია და მზადაა პოლიტიკური დიალოგისათვის“, - ნათქვამია პრეზიდენტის პრესსამსახურის განცხადებაში.

სტოლტენბერგთან შეხვედრაზე გიორგი მარგველაშვილმა ისაუბრა რუსეთის ანექსიურ პოლიტიკასა და საერთაშორისო მისიებში საქართველოს მონაწილეობაზეც. ხოლო NATO-ს გენერალურმა მდივანმა საერთაშორისო მისიებში მონაწილეობისთვის საქართველოს მადლობა გადაუხადა.

„გიორგი მარგველაშვილმა NATO-ს გენერალურ მდივანთან შეხვედრისას რუსეთის ანექსიურ პოლიტიკასა და ოკუპირებულ ტერიტორიებთან დაკავშირებით ისაუბრა და აღნიშნა, რომ დღეს საქართველო უკვე NATO-სთან თავსებადი, პასუხისმგებლიანი პარტნიორია, რომელიც სრულად იზიარებს NATO-ს ღირებულებებსა და პასუხისმგებლობებს, აქტიურად მონაწილეობს საერთაშორისო მისიებში და შესაბამისად, ემზადება ჩრდილოატლანტიკური ორგანიზაციის წევრობისათვის.

თავის მხრივ, იენს სტოლტენბერგმა მადლობა გადაუხადა საქართველოს პრეზიდენტსა და ქართველ ხალხს NATO-ს მისიებში და კონკრეტულად მტკიცე მხარდაჭერის მისიაში მონაწილეობისათვის და აღნიშნა, რომ NATO აფასებს საქართველოს იმ უდიდეს წვლილს, რომელიც შეაქვს ქვეყანას საერთო უსაფრთხოებაში“, - ნათქვამია პრეზიდენტის პრესსამსახურის განცხადებაში.

გიორგი მარგველაშვილმა შეხვედრაზე ასევე მადლობა გადაუხადა იენს სტოლტენბერგს NATO-საქართელო-უკრაინის ერთობლივი შეხვედრის ორგანიზებისთვის, სადაც საქართველოს უსაფრთხოებისა და თავდაცვისუნარიანობაზე NATO-ს წევრი სახელმწიფოების მეთაურები იმსჯელებენ.

კომენტარები

ამავე რუბრიკაში

20 თებერვალი
20 თებერვალი

სალომე ზურაბიშვილი ანგელა მერკელს შეხვდა

დღეს საქართველოს პრეზიდენტი სალომე ზურაბიშვილი ოფიციალური ვიზიტის ფარგლებში გერმანიაში ანგელა მერკელს შეხვდა.  &qu ...
20 თებერვალი
20 თებერვალი

პატრიარქმა უკრაინის ეკლესიის ის წევრები ...

საქართველოს საპატრიარქოს გვერდზე გავრცელებული ინფორმაციის მიხედვით, 20 თებერვალს პატრიარქმა უკრაინის ეკლესიის ის წევრები ...
20 თებერვალი
20 თებერვალი

ამერიკის სავაჭრო პალატის სპეციალური განც ...

საქართველოში ამერიკის სავაჭრო პალატა „თიბისი ბანკთან“ დაკავშირებით სპეციალურ განცხადებას ავრცელებს. განცხად ...
^