საქართველოს პრემიერ-მინისტრმა, მამუკა ბახტაძემ პარლამენტში ფრაქცია პატრიოტთა ალიანსის“ წევრებთან შეხვედრაზე განაცხადა, რომ აფხაზი და ოსი ხალხის დაბრუნებისთვის მნიშვნელოვანია განათლება და ისეთი ტიპის ეკონომიკა, როგორიც მის პროგრამაშია.
„ჩემი ცხოვრების მთავარი პრიორიტეტი არის განათლება და ახალგაზრდობა, იმიტომ რომ სწორედ განათლებული საქართველო და ისეთი ტიპის ეკონომიკა, რომელიც მე აღვნიშნე, არის ერთადერთი სწორი გზა, ერთადერთი უალტერნატივო გზა ჩვენი აფხაზი და ოსი მოქალაქეებისთვის. მე ეს ერთმნიშვნელოვნად განვაცხადე ჩემს პორგრამაში და დღესაც ამას ვაცხადებ“, - განაცხადა პრემიერმა.
მისი თქმით, ევროპული საქართველო, ევროპული ყაიდის ქვეყანა არის იმის წინაპირობა, რომ აფხაზეთი და ოსეთი დაბრუნდეს.
„ ჩემი ყოველი დღე იწყება აფხაზეთზე ფიქრით და ყოველი საღამო ასე მთავრდება. რაც შეეხება ჩემს კავშირს ამ ყველაფერთან და ემოციურ დამოკიდებულებას, მინდა გითხრათ, რომ ჩემს ოჯახს აქვს ოჩამჩირესთან და იმ ტკივილთან, რომელიც თითოეული ქართველის გულშია. სწორედ აქედან გამომდინარე, ვამბობ მე, რომ ეს ჩემი ცხოვრების მთავარი პრიორიტეტია. ჩვენ კარგად უნდა გვესმოდეს, რა გამოწვევებისა და რეალობის წინაშე ვართ და რეალობას არ უნდა მოვწყდეთ. მაგრამ მე ღრმად ვარ დარწმუენბული და ასევე ის პოლიტიკური გუნდი, რომელსაც მე წარმოვადგენ, რომ სწორედ ევროპული საქართველო, ევროპული ყაიდის ქვეყანა არის ის მნიშვნელოვანი წინაპირობა, რომლეიც საშუალებას მოგვცემს, რომ ჩვენი აფხაზი და ოსი ძმები დავიბრუნოთ და ვაშენოთ ერთიანი, ძლიერი, ევროპული ქვეყანა“,-განაცხადა მამუკა ბახტაძემ.