ონის მერიის ინფორმაციკით, დილიდან განახლდა სამუშაოები სოფელ ღებში, მიმდინარეობს მდინარე ჩვეშურის კალაპოტის გაღრმავება და კალაპოტში მოქცევა.

მერიის ცნობით: 

- მდინარე ჩვეშურზე გასასვლელი საავტომობილო გზა აღდგენილია;

- მოეწყო დროებითი საცალფეხო ხიდი დიდ ღებსა და პატარა ღებს შორის;

- დღის მეორე ნახევრამდე აღდგება არნიშნული უბნების დამაკავშირებელი ძირითადი ხიდიც, ახალი ხიდის მონტაჟამდე მოსახლეობა თავისუფლად შეძლებს გადაადგილებას სოფლის ორ უბანს შორის.

სტიქიის ადგილზე იმყოფება ონის მუნიციპაიტეტის მერი ემზარ საბანაძე, პირველი მოადგილე მერაბ ორდინიძე,ონის პოლიციის რაიონული სამმრთველოს წარმომადგენლები. 

როგორც მუნიციპალიტეტი იტყობინება, 14 ივლისს მოსულმა უხვმა ნალექმა გამოიწვია მდინარე რიონისა და ჩვეშურის ადიდება, რამაც დააზიანა სოფლის შიდა გზები, მოსახლეობის კუთვნილი საკარმიდამო ნაკვეთები, ნაპირსამაგრი ჯებირები და სახიდე გადასასვლელი.

რაიონულ ცენტრს მოწყვეტილი იყო სოფელი ღების ნაწილი, 50-60 კომლი.