მინდელის შახტში მომხდარ ტრაგედიაში ცვლის უფროსის, ცვლის ინჟინრის, უსაფრთხოების ინჟინრისა და ამფეთქებლის ოსტატის შეცდომა იკვეთება, რადგან არ იყვნენ დარწმუნებული აფეთქების უსაფრთხოებაში, - ამის შესახებ „საქნახშირის" გენერალურმა დირექტორმა, ჯამბულ ჯაყელმა პირველ არხთან განაცხადა. მისივე თქმით, შახტში აფეთქებისას ხალხი სათანადო მანძილზე არ გაიყვანეს.
დირექტორისვე განმარტებით, „საქნახშირის“ ადმინისტრაცია მზადაა, დააკმაყოფილოს მეშახტეების მოთხოვნა და თანამდებობიდან გაათავისუფლოს შახტის დირექტორი და შახტის მთავარი ინჟინერი.
„ვინაიდან ახლა იძულებითი გაჩერების რეჟიმში ვართ, სამუშაოების განახლების შემდეგ განვიხილავთ მეშახტეების მოთხოვნას მაღალი თანამდებობის პირების გათავისუფლების შესახებ“, – განაცხადა ჯამბულ ჯაყელმა.
მინდელის შახტში მომხდარ აფეთქებას 16 ივლისს 4 ადამიანი ემსხვერპლა.
