საქართველოს კონსტიტუცია და მასში განხორციელებული ცვლილებები ბრაილის შრიფტით დაიბეჭდა, - საკონსტიტუციო სასამართლოში დღეს პროექტის „კონსტიტუცია უსინათლოთათვის“ პრეზენტაცია გაიმართა. კონსტიტუცია გამოიცა ასევე აუდიო წიგნის სახით.
საკონსტიტუციო სასამართლოს თავმჯდომარემ დღეს როგორც ნაბეჭდი ვერსია, ასევე აუდიო ვარიანტი უსინათლოთა კავშირის წევრებს გადასცა.
„დარწმუნებული ვარ, ეს ხელს შეუწყობს ქვეყნის ძირითადი კანონის ხელმისაწვდომობის გაზრდას საზოგადოებაში. კერძოდ, უსინათლოთა კავშირთან თანამშრომლობის გზით, შეზღუდული შესაძლებლობის მქონე პირებს ექნებათ შესაძლებლობა, დამოუკიდებლად გაეცნონ საქართველოს კონსტიტუციის შინაარსს”,-განაცხადა საკონსტიტუციო სასამართლოს თავმჯდომარემ, ზაზა თავაძემ.
კონსტიტუციის აუდიო ვერსია ჩამოტვირთვის ფუნქციით საქართველოს საკონსტიტუციო სასამართლოს ოფიციალურ ვებ-გვერდზეც განთავსდება.
