როგორც „ლიბერალისთვის" გახდა ცნობილი, და შემდეგ ეს ინფორმაცია თბილისის მერიაშიც დაადასტურეს, უახლოეს მომავალში სასწრაფო დახმარების სამსახური TBC ბანკის მომსახურებით აღარ ისარგებლებს
„ლიბერალი" დაუკავშირდა მერიის იურიდიული სამსახურის უფროსს, სერგო ბირკაძეს. მისი თქმით, "მერიის დაქვემდებარებაში არსებულ კერძო და საჯარო სამართლის იურიდიულ პირებს, აქვთ უფლება, რომ ჰქონდეს თავისუფალი არჩევანი და რომელი ბანკიც უკეთეს პირობებს შესთავაზებს, მასთან გააფორმოს კონტრაქტი".
სასწრაფო სამედიცინო დახმარების ცენტრი თბილისის მერიის საჯარო სამართლის იურიდიული პირია.
რაც შეეხება თავად მერიას, "დღეისათვის თბილისის მერია კვლავ აგრძელებს თიბისისგან საბანკო მომსახურების მიღებას, რადგან თიბისი კონკურსით შერჩეული ბანკია", - ამბობს ბირკაძე.
სახელფასო ბარათებს შემთხვევაშიც ბირკაძე ამბობს, რომ "ეს არის თითოეული ადამიანის უფლება, რომელ ბანკთანაც სურს ურთიერთობა იმასთან ითანამშრომლოს და ამ უფლების შეზღუდვა ვერ მოხდება".
