პროკურატურის წარმომადგენლის, კოკა კაციტაძის განცხადებით, უფლებამოსილების ბოროტად გამოყენებისა და დიდი ოდენობით საბიუჯეტო თანხების მითვისება-გაფლანგვის საქმეზე ყველა იმ პირის პასუხისმგებლობის საკითხი დადგება, რომლის ბრალეულობაც გამოიკვეთება მიმდინარე გამოძიების ფარგლებში. მისი თქმით, არ აქვს მნიშვნელობა, რა თანამდებობა ეკავა ან რა სტატუსი გააჩნია დღეს.
კოკა კაციტაძემ ის კონკრეტული საკითხები დაასახელა, რის შესახებაც ყოფილი მინისტრები გამოკითხეს. მისი ინფორამციით, დიმიტრი ქუმსიშვილის შემთხვევაში ინტერესის საგანი მისი მინისტრობის პერიოდში განხორციელებულ პროექტებში გამოვლენილი შესაძლო დიდი ოდენობით საბიუჯეტო თანხების მითვისება-გაფლანგვა და სამსახურეობრივი უფლებამოსილების ბოროტად გამოყენების ფაქტებია.
რაც შეეხება ზურაბ ალავიძეს, კაციტაძის თქმით, ამ შემთხვევაში გამოძიება სწავლობს იმ სახელმწიფო შესყიდვებს, რომელიც სამინისტროსთან დაკავშირებული საჯარო სამართლის იურიდიული პირების მხრიდან განხორციელდა .
გამოძიების ინტერესიდან გამომდინარე, კოკა კაციტაძე ვერც სხვა დეტალებზე საუბრობს და ვერც იმაზე, თანამშრომლობენ თუ არა ყოფილი მინისტრები გამოძიებასთან.