თბილისის მერიამ 12-13 ივნისს თბილისში კიევის მერიის დელეგაციას რუსულენოვანი გიდი დაუქირავა.
სახელმწიფო შესყიდვების სააგენტოს ვებგვერდზე გამოქვეყნებული დოკუმენტაციის მიხედვით, რუსულენოვანი გიდის მომსახურება თბილისისა და მცხეთის ტურებს მოიცავდა.
როგორც თბილისის მერის ბრძანებაშია აღნიშნული, ვიზიტის მიზანი იყო თბილისის მინიციპალიტეტის სხვადასხვა სამსახურის მუშაობის გამოცდილების გაზიარება და „ორ დაძმობილებულ ქალაქს შორის სამომავლო ურთიერთობების გაღრმავება სხვადასხვა სფეროში".
ვიზიტის ფარგლებში გაიმართა სხვადასხვა ოფიციალური შეხვედრა თბილისის მერიის მთავრობის წევრებთან.
დელეგაციის წევრები იყვნენ:
- ნატალია ჰაიდამაკა - კიევის მინიციპალიტეტის ადმინისტრაციული სერვისების უზრუნველყოფის დეპარტამენტის დირექტორის მოადგილე;
- ალექსი სტროიანოვსკი - კიევის ადმინისტრაციული სერვისების უზრუნველყოფის იურიდიული სამმართველოს უფროსი;
- ოლენა ვასიკი - კიევის ადმინისტრაციული სერვისების უზრუნველყოფის იურიდიული პირებისა და ინდივიდუალური მეწარმეების სახელმწიფო რეგისტრატორების მუშაობის კოორდინაციის სამმართველოს უფროსი;
- სევდა ჯაფაროვა - კიევის მუნიციპალიტეტის ადმინისტრაციული სერვისების უზრუნველყოფის საინფორმაციო სამმართველოს ხელმძღვანელი;
- ოლენა კავალჩუკი - კიევის მუნიციპალიტეტის ადმინისტრაციის სამართლებრივი დეპარტამენტის უფროსის მოადგილე;
- ანნა ბილოკინი - კიევის ადგილობრივი თვითმმართველობის საერთაშორისო უერთიერთობების დეპარტალმენტის პრეოქტების კოორდინაციის განყოფილების მთავარი ექსპერტი;
უკრაინაში ერთადერთი სახელმწიფო ენა უკრაინულია. რუსულ ენას 2017 წლამდე რეგიონული ენის სტატუსი ჰქონდა და მისი გამოყენება დაშვებული იყო იმ რეგიონებში, სადაც მოსახლეობის 10%-ზე მეტი რუსულად ლაპარაკობდა. აღნიშნული წესი კი 2018 წლიდან აღარ მოქმედებს. დღეს რუსულ ენას უკრაინაში არანაირი სტატუსი არ აქვს.
