იგოეთთან მომხდარი ავტოსაგზაო შემთხვევის შედეგად ერთი ადამიანი დაიღუპა, ხოლო ერთი დაშავდა.
„ლიბერალს" შსს-ში უთხრეს, რომ სავარაუდოდ მაღალი სისწრაფით მავალი არასამგზავრო მიკროავტობუსი სატვირთო ავტომობილს უკნიდან შეეჯახა, რის შედეგადაც მიკროავტობუსში მყოფი ქალბატონი გარდაიცვალა, მძღოლი კი უგონო მდგომარეობაში კასპის საავადმყოფოში გადაიყვანეს.
გამოძიება სს კოდექსის 276-ე მუხლის მეხუთე ნაწილით მიმდინარეობს, რაც სატრანსპორტო საშუალების მოძრაობის უსაფრთხოების წესის დარღვევას გულისხმობს.
ბრალის დამტკიცების შემთხვევაში, დანაშაული 4-დან 7 წლამდე პატიმრობას ითვალისწინებს.