ლაშა ფორჩხიძე, იოსებ ქარქაშაძე და მურმან ლილუაშვილი დღეს დაკრძალეს. ქარქაშაძესა და ფორჩხიძეს სამოქალაქო პანაშვიდი, ტყიბულის ცენტრში, ეკლესიაში გადაუხადეს. დაღუპულ მეოთხე მეშახტეს, მიხეილ გამეზარდაშვილს ხვალ, 22 ივლისს დაკრძალავენ. 

16 ივლისს, ტყიბულის მინდელის შახტში მომხდარ შემთხვევას ოთხი ადამიანის სიცოცხლე ემსხვერპლა. ექვსმა მათგანმა სხეულის მძიმე დაზიანებები მიიღო. 

ფოტო:

ლაშა ფორჩხიძე 30 წლის იყო. ის 8 წელი მინდელის შახტში, მიწისზედა სამუშაოებზე მუშაობდა. ახლობლების თქმით, რამდენიმე თვის წინ, შახტში ჩასვლა გადაწყვიტა, რადგან მიწისქვეშ, ნახშირმოპოვებით სამუშაოებზე მეტ ხელფასს გამოიმუშავებდა. ლაშა 16 ივლისის დილას დაიღუპა. მას მშობლები გარდაცვლილი ჰყავს და ბებია და ბაბუა ზრდიდა. მათთან ერთად ცხოვრობდა ტყიბულშიც. 

ამ დროისთვის ტყიბულის შახტები გაჩერებულია. შინაგან საქმეთა სამინისტრო საქმის დეტალებს სწავლობს. გამოძიება 240-ე მუხლითაა დაწყებული, რაც სამთო-სამშენებლო სამუშაოებისას უსაფრთხოების წესების დარღვევას გულისხმობს.  მინდელისა და ძიძიგურის შახტები "ჯი-აი-ჯი ჯგუფს" ეკუთვნის.

ლაშა ფორჩხიძის ბებია

ლაშა ფორჩხიძის გარდა, ეკლესიაში, მასთან ერთად დაღუპული, მეშახტე იოსებ ქარქაშაძის სამოქალაქო პანაშიდიც გაიმართა;